موسوعة قصائد متنوعة في مدح " القبائل " داخل الجزيرة العربية

[بن حميد العالمى]

..


قصيدة تشمل جميع قبائل الجزيرة العربية


يالله يـاخالق اراضيــن وابـحار = الواحـد المعــبود رازق عبـيده
الخـالق الغــفار علام الاسـرار = وفرق شعوب الارض فـي كـل يده

وابدي واسولف من عذيبات الاشعار = ابــيات شـعر والمعـاني وكيده

اشري وابيع واعرف كيـف بـختار = واختار مـن جزل البيوت الـفريده

واذكر تـراث وعز وامـجاد وافخار = قبائل تومـن بـديــن و عـقيده

وصلت حضارتنا على سطح الاقمار = ابنا الـجزيرة..والجزيره مــجيده

في ظل حكام لهــم فعل واشـوار = آل السـعود الـلي تـفك الضهيده

نسل الـزعيم الحاكـم العادل البار = مـجدد امـجـاد الجــزيره بجيده

حتى اصبحت حـره وحنا له انصار = فـي ظل اخـو نوره هنوف سعيده

وصارت لابـو تركي بطوله وتذكار = والـفخر والامـجـاد تبقى شهيده

وخلف لنا امـلوك لهم فعل واخبار = الشعب واحـد والـقياده رشـيده

والامن بـانينه علـى ساس وجدار = وقـرو علـى العابث عقوبه شديده

وحنا حـمـاة الـدار مـن كل غدار = ومـا همنا بـطشه..وخبثه وكيده

قـبائـل مـا لحـقنـاهـم اوعـار = وعـشنا بهذي الدار عيشه رغيده

والحمد لله نـحـمـده سـر واجهار = شعب..تـكاتـف من سنين مديده

ودون الوطن جيش عــلى كل معبار = لارفـرف البيرق ونـادى عقيده

بشـرق البلاد وغــربها دوم حضار = وارض الشمال اللي نفوده مديده

وارض الجنوب اللي تخيضر بالاشجار = جـزيـرة فـيـها القبايل عديده

ارض بـها قـحـطـان وافين الاشبار = ويـاعـز منهم بالشدايد بسيده

واذكر عـتـيـبـه يوم للطيب مغوار = لا ثارت الهيجا وقــرب ضديده

وشـمــر هل الطولات والجود مقدار = اهل الكرم واهـل الفعول الحميده

وقوم اعـنـزه مروين الاخصام الامرار = اولاد وايل مـن عـصور عهيده

ومـطـيـر قوم تكرم الضيف لا زرار = وياويل خصم فـي حراهم وعيده

واذكر قبيلة حـرب يـانـعـم الاخيار = وتاريخهم يـحكي سطور مجيده

وسـبيـع نـعم القوم ووجيه الاسفار = زبن الـدخيل ليا زبن من طريده

واذكـر قبيلة يـام والطيب ينـــدار = اهل الـعـلوم الوافيه والرشيده

ثم الـدواسـر تـجعل الخصم منهـار = عيال زايـد عــز منهم سنيده

ثم الـسهـول اللي لهـا الطيب مدرار = وعن منهج العادات ماهي محيده

ثم اذكـر الـعـجـمـان حماية الجار = والمرجـله والـجاه فيهم عتيده

واذكـر بـنـي مـره طويلين الاعمار = مـا ينقد الـمـري ولا له نقيده

ثم الـهـواجــر لابة تـقـدح النار = اهل الـركـاب اللي خطاها بعيده

واذكر بـنـي خـالـد قـبيلة وامار = قوم لهم فـي المجد قول ورصيده

وبـني تـميم اللي لها الطيب مصدار = بنـي تـمـيـم وكل فعل تجيده

ثم الـزعـوب اللي بها الخصم يحتار = شجعـان ما ترضى سوا ماتريده

العـازمي وافــي وفي الطيب بيطار = روحه على كل المصاعب صميده

ثم الـظـفـيري في المصاعيب جبار = والطيـب والامداح باصله وطيده

ثم اذكر الاشــــراف بجلال واكبار = اهل الـحـجاز اللي تفك الزهيده

ثم الـهـذيـلـي له مـواقف ومندار = راعي الفخر راعي العلوم السديده

ثم الـبـقـوم اللي لهم جيش وامهار = ريف الـضيوف ليا لفاهم وليده

واذكر ثـقـيـف اللي لهم مجد وآثار = ومهما حـسبنـا من كلام نعيده

وبـلـحارث اهل العز بشهود واقرار = الـحـارثـي ياطيب فعله وجيده

والـمالـكي معروف لا صار ما صار = في موقف اهل الطيب يبذل جهيده

واثني تحياتي عـــدد وبل الامطار = على سـلـيم وكـل خصم تكيده

واذكر جـهـينه..هل مواقيف وادوار = تلقى الجـهيني راسم الطيب بيده

واذكر بـلـي والمجدله فعل واظهار = وتاريخهم يـحكي فـعول فـريده

وبـنـي عطيه في المواجيب حضار = قـوم بوقت الجـد قـوم عـنيده

ثم الحـويــطي والكرامه له اشعار = ثم الـشـراري... له فعول مفيده

ثم الـرشـيدي في الصعيبات صبار = على عـلوم الـطيب فـعله يزيده

وباقي جـنـوب الدار والقاف مادار = باقي عـلى قلبي.. كـلام واشيده

زهـران نعم القوم في وقت الاضرار = والخصـم عـينه من لقاها سهيده

والغـامدي معروف له عزم واصرار = راعـي المراجـل والعلوم المفيده

وشـمران قوم والجمايل لها اطوار = وبـلـقـرن سم للقلوب الــنكيده

والاكـلـبـي والمحلفي مابعد بار = والـحـارثـي طيبه وفـعله يشيده

وبني شـهر وبني عمر سيف بتار = قوم على الاخـصام نـار وقــيده

والاسمري والاحـمري صيتهم سار = بين القبايل، والـمـواقف شـهيده

واذكر عـسير الهول ذربين الاذكار = وابها احتـموهـا فالسنين الشديده

وادهم والصيعر على حــد الاقطار = يحمون حــد الدار من اللي يريده

وامشي مع الساحل مع جمله افكار = رسمتها والـطيـر زان اتغريــده

وانزل على جيــزان تاريخ واديار = ورجال فـيـفـا والـقبايل عديده

وارجوا العذر واهل المواجيب عذار = الي نسيته مـانـذكـر في القصيده

الـواهـبـي عـدد ابيوته بالادوار = من شــــاعر ماشل قلبه حقيده

شهران ربعي هم هل المدح والكار = واهل الكند واهـل السيوف الجديده

يوم البلد مـا يامــن الزند لاثار = زيـزومنا ابـن مـشيط نعم الوليده

فالجهل شجعان وفـي السلم تجار = مـن بطن بـيـشـه للتهم لارفيده

حبيت ابين مـــوقفي بين شعار = وارجوا سـموحتكم على ذا النشيده

ماحب انافق واتــعنصر تعنصار = ولا ني باطيع اهــل العقول ال****ه

ما كل من طب البحر قيــل بحار = وما كل من شل الفشق جاب صـيده

فالشعر بستان بــه ورد وازهار = واللي تـــعداها بــــيوته فقيده

واقولها في الشعر تكــرار وامرار = ضرف بلا عنوان يلـــغى بريده

وبعض السوالف له مواقف ومحضار = وشعر بلا مـعـنى لــزوم نبيده

وصلوا على المرسول شفاع الابرار = محمد الهادي وقــدوة عـبـيـده


حيث وجدتها في ملفات محتفظ بها منذ زمن.... لا أعرف من قائلها ؟






قصيدة أخرى في مدح جميع
قبائل الجزيرة العربية

قصيدة للشاعر فيصل الرياحي يمدح فيها قبائل الجزيرة العربية


قبايـلٍ تسكـن بشـبـه الجـزيـره = جزيـرةٍ تبهـر عريضـه كبـيـره
والكـل منهـم لـه منـازل وديـره = من ساحل الأحمر ليا ساحـل عمـان

منهم"عتيبه"نـعـم والله عتـيـبـه = قبيلـةٍ بـيـن القبـايـل عريـبـه

أمجادهـم تعـرف ولاهـي غريبـه = ليا حل طار المجـد يطـرون عتبـان

ومنهم بني الحارث هل المذهب الزين = كسابة القاله علـى العسـر والليـن

تاريخهـم معـروف ماهـم غبييـن = وا لنعم يإبن الحارث طيور حـوران

ومنهـم "سبيع"ونعـم بسبيـع دايـم = تاريخهم يشهد لتهم فـي القـدا يـم

نقـول حـق ولا نحـب ا لظـلايـم = يستاهلون المـدح والنعـم سبعـان

و"غامد" ونعم بغامد اهـل الشكالـه = قيـف شجيـع كامـلات خصـالـه

الطيـب فيهـم والكـرم والبسـالـه = إلا وفي وقـت المحاضيـر شجعـان

و"قحطان" ساس الأصل نعم القبيلـه = أفعالهـم مـن غيرهـم مستحيـلـه

بالطيب عـدو كـل عيطـاء طويلـه = وا لنعـم والله ياصناديـد قحـطـان

والنعم "با الاشراف" نسل الصحابـه = ا لدين فيهـم وا لسخـاء واللبابـه

والعرف والمعـروف شـدوا ركابـه = والنصح والارشاد عن كـل عصيـان

وأولاد وائـل نـعـم والله قبيـلـه = أهـل الفعايـل والعمـوق الاصيلـه

منهـم ملـوك يكسبـون ا لنفيـلـه = اسم(عنزه) في قمة المجـد عنـوان

و" شمر" ليا عـدت فعـول النحايـا = وا لنعـم والله يارجـال ا لطنـايـا

حمأيـة القالـه سـهـوم المنـايـا = نقولهـا فـي حقهـم سـر وإعـلان

والنعم "للعجمـان" مافيـه معـروف = قول وفعل ما تنفـع نقـاط وحـروف

مجدٍ تعـلا كنـه سهيـل مشيـوف = دليلنـا فـي مدحهـم فعـل راكـان

و"مطير" حمران النواظر هل الجـود = تاريخهم من قبل واضـح و معـدود

مجـدٍ مثبتـة براهـيـن وشـهـود = ماينجحـد مجـد وأهاليـه مطـران

ونعمٍ "بحرب" ليا طرا طاري الأمـداح = أهل ا لموا قف كل ماصـاح صيـاح

حرابهـم بالنـوم ماهـوب يرتـاح = من ضيمهم مايمرح الليـل سهـران

و "سليم" أهل مجد مسجل بالاسطـار = ذربين أهل قالـه وبالعـرف شعـار

وأظن هرج ا لصدق مايقبـل إ نكـار = أخذ الأدب والعرف من روس سِلمان

وجمع "الدواسر" ما بهم قـول قايـل = دوسر جمـل يشتـال كـل الثقايـل

باسمـه تسمـوا والفعايـل دلايــل = غـدران مـوت ماتحلـى بـغـدران

و"بني تميم" اللـي فخرهـم مقيمـي ود ليلنا قول ابن صقيـه ا لتميمـي

يدري بهم من كـان قلبـه فهيمـي = أ خبارهم شاعـت لحضـر وبـدوان

وأيضا "بني خالد" عـذاب العنيـدي = جو من سلالة "خالد ابـن الوليـدي"

قـول محقـق مانقـول ا لسريـدي = نقرأ ونبحث لين نـدري بمـا كـان

و"زهران" جن الحرب يوم الحرايـب = اللي طعنهـم يـودع ا لـدم رايـب

هبت لهم مـن كـل طيـب هبايـب = وا لنعـم والله يارجاجيـل زهــران

و"عسير" عسرين علـى كـل طمـاع = سباعٍ تعشي سباع الأقـذال بسبـاع

السيـف بيديهـم مخلـد ومطـواع = ورمـاه ليـا رد النظـر لام نيشـان

و"شهران" مشهورين والجـد شاهـر = الكـل منهـم فـا لمهمـات ماهـر

طيب ليا عدوا هـل الطيـب ظاهـر معـروف مايطويـه بعـد ونسيـان

و"بالقرن" قرن الموت شرابـة الـدم = حرابهـم يسقونـه الصبـر والسـم

في رؤسهم شيمـه وعـادات ولـزم = ما ينحصي تعريفهـم عبـر قيفـان

وأيضا "بني مالـك" ذكرنـا فخرهـم = الطيب طوع يـد ينهـم ماعسرهـم

ليا ماجت أمواج البحر مـن بحرهـم = بحر يكز الموج مـن غيـر جيـلان

والنعم "بالأحمر" علـى كـل حالـي = في كـل صعبـات اللـوازم رجالـي

شوامـخ ماهـم بجـرف هيـالـي = كسبان ياحايز على المـدح كسبـان

و"شمران" ليا شمر عن الساعد الثوب = حرابهم يقفـي مـذ لـل ومرعـوب

كم كدروا يوم الكـدر كـل مشـروب = ياهل الوفاء محد جحد فعـل شمـران

والنعم"بالأسمـر" ليـا حـل طـاري = شمعة فخرهـم ماذرتهـا ا لـذواري

يروون صفحات القنـا و الشبـاري = ويوردون ا لسيف لاصـار عطشـان

وصبيان"يام" أهل العمـوق العريقـة = ستر ا لظعن يـوم الايـادي طليقـة

ما تختفي عن عيـن عاقـل حقيقـة = يام ا لحرايب يوم سوقـات الاظعـان

والنعم والله في رجـال"ا لشـرارت" = ا لطيب له فيهم مـواري وأمـارات

أهل ا لمراجل يوم الأيـام عسـرات = ا لكل منهم يجلـب ا لـروح قربـان

أيضا" بني هاجر" كفـوف الأسـودي = يثبت لهم في كـل عليـاء وجـودي

قول عليه الفعـل الأبيـض شهـودي = وا لصـدق قايـد للمعانـي وقبطـان

ونذكر " بلي" بلواء على كل عاصـي = ليا جاء نهار فيه شيـب ا لنواصـي

رجالهم ينطح خشـوم ا لرصاصـي = ليا طار ستر ا لوجه عن دعج الأعيان

وأيضا "جهينه" عزوة باسهـم بـاس = نطاحة ا لغاره علـى قـب الأفـراس

أمجادهم من يوم خلقوا على سـاس = بيت جويد مـا نخلـع فيـه بيبـان

وأيضا"السهول" لهم مواقف وتشجيـع = يطوعـون ا لـضـد لازام تطـويـع

ويقال عنهـم ا نهـم حلـف لسبيـع = ذولا وذولا نعـم وافـيـن الأفـنـان

وأيضا "الظفير" أهل الظفر والمدايـح = يوم الثميـدي مثـل وبـل الروايـح

ارجـال مافيهـم غمـوز وقـدايـح = منهم زبون أهل لمقاصيـر "نومـان"

وسفيان من قبل النبـوه لهـم بيـت = صحيح لاأ ز ل بكلامـي ولاأخطيـت

قريت في كتب التواريـخ وأوحيـت = سفيان سلسلة العريب ابـن سفيـان

و"طويرق " أهل الشيمه المستديمـه = وأهل الوفاء وأهل اليديـن الكريمـه

للجـار عـز وللمعـادي هزيـمـه = أقولهـا مانـي بـراعـي تـلـوان

و"هذيل" أهل غيره ومذهـب وجيـره = وميزاتهم مـن غيـر هـذا كثيـره

وليـا قـدح للحـرب قـادح ذخيـره = تلقـى مقاديـم الرياجيـل هــذلان

و"قريش" مجد قريـش كـل درابـه = قوم الرسول وقوم بعـض الصحابـه

ومجـد تعـدى الهاشمـي وشنبابـه = اللي من قلـوب البشـر زال الأدران

و"ثقيف" ما يحتـاج نذكـر فخرهـم = ما دام "ابن يوسف" على طول منهـم

يكفيهـم "الحجـاج" مجـد شهرهـم = بالكتب والتاريـخ فـي كـل ديـوان

و "بني رشيد" مـن القبائـل يعـدون = ليا جت مجـالات المواقـف يبـدون

يبنـون بنيـان الفخـر مايـهـدون = واللي نقدهم مامعـه علـم بخصـان

ونذكر "بني مـره " ونعـم آل مـره = للجـار عـز واللمعـادي مـضـره

واليـوم فـي نعمـه وسـره وقـره = بين الثلاث اللي خذتهـم بالأحصـان

و"أكلب" هل الطالات وأهل النواميس = إمسيسـن بدوحـة المجـد تسيـس

كلامنـا مابـه مجامـل وتلبـيـس = والقول لاسلم الغـوى والخطـاء زان

والمعـذره يـا واسعيـن المعرفـه = إن غاب عن تفكيري أحـد ماعرفـه

للشعـر تصريـف وللهرج صـرفـه = ولاينتجـازى الناسـي إلا بغـفـران



قبيلة شمر .

من يم نجد وشرق مــكه وطـــيبه ** لين الديار اللي جنوب القــــــريات.
جيت بخفوقي شوق ماينحــــكي به **أكبر من حروف الشعر و الكتابات.

شوق ٍ ما هو شوق الحبيب لــحبيبه ** شوق [الطنايا للكرم والجمــــالات].

ولو قالوا ان الدار مــاهي قـريبه ** بقول : يعني ماتهون المسافــــــات ؟.

ما هم بربعي بالليالي الــصعيبه ؟ ** أجل وربي ما حسبت المشقــــات.

[شمر] ليا صك الصليب بصلــيبه ** أهجد يا جن وأنس لاهل الطويــلات.

يرضخ لهم الطيب حشمــه وهيبه ** ويرفع لهم بالعز بيرق ورايــــــــات.

ومن مرهم طرقي بياخــذ ضريبه ** فنجال[اشدا من خضاب الخونـدات].

والموقـــــدة تشهد براس الرقــيبه** ومـن طيبهم ما ينزلون الطمانات.

[والشمري] مــن طيب راسه وطــيبه** به ميزة ٍ عدة حدود المــروات.

لاثارت الفــــــزعات لاتنتـخي بــه ** لانه يثور من[الطنا] دون فزعـات.

الله خلــقــهـــم للـمـــصيبه مــصيبه ** وللنار نــار وللــمعــالي ريـــادات.

وللمــوت مــوت وللهيبه لـــهيــبــه ** وللطيب طيب وللمراجل سيـــادات.

لكــــــن بـهــم حــاجــه ولاهي غريـــبه** يمكن يخون بها الشعــر والعبارات.

اليا بطشوا خلوا المــضــارب عــطيبه ** واليا عطوا ما مدوا الا الجزيــلات.

ما ارفـع مكانتهم بشعــر ٍ اجـيـبـه ** هم يرفعون حروف شعري مقامات.

وآخـر ما اقـول بالشعـر وانتهي بـه ** بحطها بقوسـين واربــع علامــات .

[ الشمري ! عيبه ! وعـيبه ! وعـيبه ! ** اليا ارتكي للحمـل شال الثقيلات ]






قبيلة عتيبه :

سـر يالقلم ننقض كلام المحامين ** لصـارت الدعوه حمايا حمانا
نقـض الحجج لابد له من براهين ** ومعنا شــهادة وفا لادعانا

ومن مدنا بالصـاع نجزاه صاعين ** واللي يعادينا عليـه اعـتدانا

كان الحميدي وازملاه متصـافين ** على الحكي فيما ما تقدم حكانا

تلحـقوا غـارات ناسٍ قديمـين ** واخطوا وحنا من خطاهم خطانا

ودام الشـريعه تاخذ العين بالعين ** حنا ما تقضــي الشريعه قضانا

حـنا بميزان المـعاني ثقيـلـين ** وعلى مماشــــينا بعيدٍ مدانا

هيهات لو حولت عكس الموازين ** قضا القضـا فيما مضـى وانتهانا

انتم رجال(ن) بالمعارك غثيـثين ** لكن ما تلحق اخطـاكم اخطانا

حنا عتـيبه ملحقـين المخليـن ** بعنا بســوق الطايلات وشرانا

قوم(ن) على صولات الايام ضارين ** لو عضنا ناب الدهر ما قــوانا

يهابنا الطـماع لو قلبـه اذهـين ** نبطـش محلات الطمـع لاغزانا

لنا ســلـوم(ن) غاليات المثامين ** سـلومنا محدن حملها ســـوانا

في سلم لوماء الوجه عام وشـهرين ** وابخيلنا مامــون داخل حـمانا

ثلاثـماية يوم تزداد ســــتين ** تنحا المنايا عنه هــيبة لـحانا

ومن حده الموت الحمَـر والديايـين ** تخير الحصـن الحصـين ونصانا

وبالحين نـملى فارغـات الموازيـن ** جيب الصحون ومكرمات الصيانا

للضــيف والجيران والمســتحقين ** إليا من وهـاب العطـايا عطانا

ابيوتنا للـضيف مثل البســــاتين يفرح به الملهوف ليلة ضـوانا

نجود بالماجود بالعســـــر واللين ** وضحك الحجاج وما حلا من نبانا

حنا على حفظ المواجيب حرصــين ** مانعطي الطـرقي قراطــيع مانا

والجار لـه واجـب وحنا وفـيين ** ندعيه للكرامــه ولو مـا دعانا

جيـرانا دايم حشـــام وعزيزيين ** وندرا شـرفهم عن كلام اسفهانا

حنا بوجه الجار دايـم جـديديـن يزيد مع زايد اسنـينه وفـانــا

وان جاء نهار المعمعه واللغا الشــين ** نبيع غلا الروح دون اقصــرانا

وان راح ما نشـدق قفاه بسـكاكين ** نحمي مـجاله عقب عنه انتحانا

وخوينا لو هــو من اللي معاديـن ** يأمن بنا في كل درب مشــانا

ولصرنا مع الخوي بدرب(ن) متخاوين ** نرعى الحقوق ولانخون خـويانا

وحنا منازلنا ورا حضــــن ويمين ** هاذيك ديرتنا فيها نشــــانا

وجينا نبا المرباع عند القحاطـــين ** يوم الزمان بحد ســـيفه حدانا

وقالوا لنا ما تاسـع الدار شــيخين ** ونجد العذيه تحت فيت عصــانا

وتشــاوروا طلقين الآريا الحكيمين ** احد(ن) ومر بالحرب واحد(ن) نهانا

واحـتار من يـختار بين الأمـرّين ** اما الدهر ولا ســــيوف اقبلانا

وتقرر المـحدار بالـخـط والقـين ** نمرن فأولـها يـرفرف لــوانا

وندري ما قـدامنا مــزرعة تـين ** لكن على روس الافاعي وطــانا

زحنا قبايل نجد عن نجد قســـمين ** وجينا بـمثـنات البلاد وبـنانا

عاداتنا نخلي ســـــروج المسنين ** وأول موردت الســهوم أومرانا

حمّاية الســـاقات فالـمقليــن ** باموالهـم يرفون *** فـقـرانا

وليا جاء الامر بين القـــبيلة حليلين ** حلوا مشـاكلنا وحازوا رضانا

وعبدالـعزيز اللي رفع رايـة الـدين ** اللي ليا خم النشـــيط يتوانا

اللي تخاضــــع له رقاب الفراعين ** من هيبتــه كلٍ يـريد الأمانا

بالســـيف صارعناه وسط الميادين ** وانتم تخامرتوا ســوات السمانا

ماعمرنا نذعن لحكم الســــلاطين ** إلا بيوم(ن) ينتصـــر به حدانا

اخبارنا قد هزت الهند والصــــين ** ولا هـمنا الهيس العور لو هجانا

ولو كان فالاعلام ضـــمن المذيعين ** الباع قاصــر والطويل اللسانا

وقولٍ نقولـه ثابتٍ بالـدواويـــن ** وتاريخ نـجد المعتمد مانسـانا

ايام عرجا قد عطتنا نياشـــــين ** وفي ايام معتق يشـهدون اعتقانا

العفو عند الـمقدره للكريـميــن ** وحـنا ليا منا قـدرنا عفــينا

هذا كلام يفّحم المســـــتحقين ** وعاداتنا نقطع لســـان طّلبانا


قبيلة يام



على قب ظهور الخيل ومضمـرات مـن عيـس = غنايم حرب مـن قـرح وهجنـن علـى ربـدان
نشعبها من شرق وغرب مافينـا شـك ولاقيـس = ونوردها عـد راهـي سيـف ورمـح وجبخـان
روس بالعـزوه تنومـس ماعـودت مفالـيـس = الناله والنصر معهـا قـد قيـل الكريـم امعـان
آل مـره قصـر رفيـع ماهـزتـه نسانـيـس = قدوتهم عزوت قايدهـم شيـخ للوقفـه عنـوان
خيال الحرشى بن شريم شيخ صقـور وقرانيـس = لما اعتزو به جملهـم وآقبـل زعيـم الفرسـان
مايفتهـق لمـا حـزت بـارود فـي متـاريـس = يقبل بجمـوع شواشـه علـى قـول الغيهبـان
بيض الله وجه اليامي سيـس للفزعـه تسييـس = واذكر فعل بن المرضف مع يـام آهـل نجـران
وقـف مـع كـل مجـرب للحرايـب مقابـيـس = ابوساق وابـن منيـف وابـن نصيـب وبنيـان
وانشـد روس وعيـل كسابـيـن النوامـيـس = كلا منهم قسمه وافـي والمرجـع لبـن هضبـان
يوم اعتزو به في الضيقى وقف نـور الدهاليـس =واقبل بجموع غفيره قال الحـرب ووقتـه حـان
مد الجيش بجمع وعـده شيـخ بعيـد مراميـس = وقفات مانستغربهـا قـد قالـه شيـخ العجمـان
ويشهد بالصدق بن منيخر والدامـر والفواريـس = والمتلقـم والطويـل وبـن خرصـان وراكــان
راكان شيـخ العجمـان فخـر ورمـز للفريـس = غزو وذبح ودار تخلى ورمح وسيف ورد الشـان
حنـا كـذا ياجاهلنـا فـوق نجـوم مـراويـس = نسكر على صوت الفزعه ونقـدس قتـل الجبـان
كم حفيف قد حربنا سبي وهيـن وعفسـه ديـس = يقبـل علينـا بجموعـه وتعـود عشـره ثمـان
زبدة كلامـي بـآ آقولـه وآتعـوذ مـن بليـس = عقب مامدحت اللابـه مـدح يبـرى لـه برهـان
والله ما آمدح لاش هابي ولا امدح هيس ابن هيس = ولا امدح قوم بـلا فعـل مايمـدح الا الشجعـان
وانتو مدح فيكم واجب والعـز يقـدس تقديـس = مدح تو وجيـه تصهـل آصحـاب والا عـدوان
آقول انتـو جملتونـا ومثلتونـا يابـن فطيـس = انت وفيصل وبن عويضه وعبـدالله بـن عبيـان
حر من روس آل الهندي وآرجع وآقول بن فطيس= قد قلته لكن بآعيده وكلا فـي الميقـاف حصـان
داحم بجنوب متينه مثـل ابـن جلبـان جريـس = بيض الله وجه محمـد كسـب نومـاس ورهـان
خذى المليون وضحى به غـم وجيـه معابيـس = هـذا بعيـد الهقـاوي يلقاهـا عنـد الرحـمـان
ومن اليوم الى يـوم الله هـذي الرايـه للفريـس = اهل شعر واهل فزعه واهل خيـل واهـل عنـان
يــام قتـالـة جـبـان للحـرايـب مقابـيـس = العجمي والمري عزوه والمرجـع يـام وهمـدان






قبيلة حرب


يا راكبًُ(ن) من فوق زين المشاديد

* متحــدر(ن) من روس عالي جـباله
ممشاه من سلمى عطاها الرواعيد


* الاجــنـبي وان جاه يعـطي جماله
من جاه في سلم العرب بالشرف زيد


* ومن جـاه في حــرب(ن) تعــزز لحاله
من راس ابن خربوش ماهيب تقليد


* من دار ذربــين الــلغى والجـــزاله
والنضو ركابه علي كيف ما اريد


* لابــن معيــتــق زاعــجـيــن الرســــاله
يهلي براع النضو قبل التناشيد


* ريـــف الركاب اللي تــوامي حــباله
ويقلط العاني بزين المقاعيد


* ويسيـــح عـــند مــنـــفــــد البــــن بـاله
قل وش علم جيشك مر سلمى مسانيد


* هل اللحـيـسه مكــرمة من عــنا له
ورك(ن) بوجه الهجن لا جن مصاعيد


* قـــدامــــهن الوافــيــن في كل حــــاله
الضيف يعطونه علي كيف ما يريد


* ويــقــعــدونـــــــه بي مـــكان الشــكاله
علي النعي مثل المحوص المواريد


* يحيــون باللي فــاض مع راس جاله
حب اللقيمي ميرهم مع نمى الغيد


* وفــنجال بن مونـــسه مع كــــماله
بدو(ن) تنفد غالي البن تنفيد


* بدلال وارفــــاف(ن) طـــويل ظلاله
ذولا محادير(ن) وذولا مسانيد


* يهلــــون بالرجـــــلي وراع الــزماله
شرقي جبل سلمى قرايا المساعيد


* ملافــــظ الشـريان تـرهم شــــماله
جيشك تعدانا وياخذ تصاديد


* دليــل جـيـــشك فـوته من هــباله
ومثلك يشيم عن كثير الهرابيد


* والا نعــــرف الطيـــبه والفــساله
معزبكم المذكور يا عل ما يفيد


* يا حـــيــف ليـــتك بارز(ن) به لحـاله
على خلاك مسوي(ن) قد ما تريد


* والا سكـــت ودامـــح(ن) له خــــماله
كل العرب فيها ختوش ملابيد


* شخـوص العـرب ما تــــندمر من حـــثاله
حرب(ن) من القبلة الى ادنى تخاديد


* ياما بحــــرب(ن) من رجــال الشــــكاله
وياما بحرب(ن) من كرام صناديد


* وياما بــــهم من مــدركـــين الجــــماله
وياما بهم من مشبعين المراديد


* شيــــوخ(ن) تــنــــفـد مالها دون حـاله
معنا صداقتهم سنين سراميد


* وراع الثــنا ما ينجــــزى بالفــــساله
ابن نحيت ينفد الملح تنفيد


* من كون بقــــعا عــنــدنا له جــــماله
مع شمر(ن) ورد على الموت توريد


* أرخـــى على حـــوض المـــنايا حـــــباله
ويوم المليدا شدد الحرب تشديد


* مرقـــب غــضي(ن) نـــشده وش جـــرى له
ربعه بنى سالم مشوا والجمل قيد


* يوم ابــو ضيف الله بـــراي(ن) عـبا له
وضيف الله شوق اللي نهوده مقاعيد


* رخــيـــص ما باليـــد ثـقـــيــل(ن) بحاله
ألين من الماهود ما به عواقيد


* حــلال قــــالات(ن) تـــلـــولس حــــباله
واخوان حسنا للمجوخ صياييد


* بالسيـــف ردوا عــــند تـالي ثـــقـــاله
في درب ابو جلال تلقى المفاريد


* تـــشدى دروايش(ن) عن الـــدرب عاله
جلال شوق اللي طماحه تصاديد


* مربــوعة حـشـــــو المنـــقــش جماله
ورد لجام السيف بالراس توريد


* بيوم به الخـــفرات تــرمي شــياله
بني علي ربعه على كيف ما يريد


* تــرعى بهم شــقح(ن) على الحــمض مــــاله
واخوان نورة تكرم الضيف وتزيد


* تـــــورثـــوا بـــاس المـــهادي وباله
يرعن بهم الزرفات فيض(ن) وتسنيد


* مع حجرف(ن) سيف(ن) وراي(ن) برى له
وناهس صليب الشور عقب صناديد


* عـقـب شيـــوخ(ن) تفـــرح اللي عـــنى له
وغالب ابن مقحم ذرى كل رعديد


* زبن الحـصان الــلي تـــوطا حـــثاله
إلي تعلوا طايعات المقاويد


* كم من طمـــوح(ن) قـــلـدوها حــباله
اللي قنص بالحر صياد وايفيد


* والـــلي قــنص بالتـــبع عــزى لحاله
وفيحان يثني دون شقح مواليد


* وان ضيــعت عــقــب الضــبابــة عـــياله
وكم سندت خيل المضايين تسنيد


* ومن ذل فـــنجـال الشــرف ما مـــشى له
يا مال طوبى ماجد(ن) عندهن صيد


* وجـحـيـش والعـبـــد المـطرف بـــرى له
كل نخبره بالثنا والتماجيد


* ابن صميعـــر فــــرحة الـلى عـــنا له
من دون ضيفه ورد النفس توريد


* فـــكـــه من الحـــكام وارخـــص حــلاله
عقيد عيرات(ن) تبوج البراريد


* دار العــــدو لازم يـــدوج بــــجاله
نزه الشوارب عن جميع العواقيد


* الله يحـــل الشايـــب اللي غـــدا له
وخلف ابن ناحل مضيفه تقل عيد


* الـلي عـــطى الزمال من حـــر مـــاله
ونافـــل ابن غميض يشريه ويزيد


* راعـــي الخــروف يـربــــحه لا عـنى له
والنعم بالناقي الى جا جويريد


* تـــلــقى الشبــب بــبـيـوتـهم والشـــكاله
نفوسهم للضيف مابه عواقيد


* أهـــل الملــــيحا يوم جــــود عـــقاله
وزيدان ابن مطلق الى جن عراجيد


* ذيــب السمـيـن الـلي تعـــرم حــياله
هدات حر(ن) طالع في جلا الصيد


* صيــده من الجـــزلات ما هي هــــزاله
ليا ما لقى ضان(ن) كرم بالمعاويد


* مخــيــمر ابن مطـــلق صبي الجــزاله
راع الكرم والجود بالفعل وايزيد


* جعــله لجــنات النـــعايم نواله
ورباح ومحمد على كيف ما اريد


* والمـــرجلة مسوا مــثاني حـــباله
والماكر الطيب لربعه مقاصيد


* ومن جـث من خـــو(ن) تبـيـن قــباله
شيوخ حرب والكرام الصناديد


* ذبيت عـــنهم يــوم صارت شــكاله
الطيب ان جيته يزودك تزويد










قبيلة مطير


الا قيل وين مطير واخفـن الأرمـاس = الـراس بيـن محقـبـه واللهابــه
كزوا لهم من عقب الأمطار عسـاس = وتباشـروا بالصلـب كثـرة شرابـه

وتقودوا فرسانهم قحـص الأفـراس = وحطـوا جنيـح شـدة مـن حرابـه

يتلون ابن سلطان قطّـاع الأرمـاس = دين علـى ولـد الدويـش ووفابـه

يقدا جمـوع كنهـا نـاب الأطعـاس = وصم الحوافـر مـا عرفنـا حسابـه

اسم على جسم وجـد علـى سـاس = وفعل قديم مـن عصـور الصحابـه

ياشيخنا مالـك حلـيّ مـن النـاس = كونك صباح وكـون غيـرك نهابـه

كونك كبير ومنـه الأجنـاب تقتـاس =اليا واجه الطرقي الأخـر حكـى بـه

مثـل نهـار يـوم الأريـاق يبّـاس = من ذاق ضرب ايمانهم ما سعـى بـه

خلي على صيانهـم حمـر الأكيـاس = والبن الأشقر ما اهتنوا فـي شرابـه

ولا يزاعم الدوشان كود انقر الـراس = الله يمّن خـوف مـن لا سعـى بـه

امهارهم في غبـة الكـون غطّـاس = وايمانهـم ترمـي العشـى للذيابـه

لبّاسة الماهـود والـدرع والطـاس = ومصقّلـن تدنـي المنـايـا ذبـابـه

يجلي عن الكبد الصدا سلـة المـاس = يـوم تقطّـع بالرضيمـه ضبـابـه

من ضرب علوى خيلهم تمرس امراس = امـراس صيـد مقتفيـتـه ذيـابـه

ما عفّتوهن عنـد زينـات الأجنـاس = وعند البكـار اللـي لهـن انحطابـه

عدونا يصبـر علـى كسـرة البـاس = وصديقنـا يفـتـق زرار الحـرابـه

والذود جعله فدوتن لك عـن البـاس = ياشوق من كن الزهـر فـي لبابـه





قبيلة الظفير


يالقرم شب النار واحمس من البـن ** واحمس لنا من بن صنعا عجايـب
ثم دقها في قلـب نجـرن ليـا دن ** حسه جمع غياب وابليـس غايـب

وخلها تفوح بهيلها عقب ماطحـن ** وخلط معه مسمار والكيف طايـب

واليا اركدت سقها على شايب امسن ** وقهوه الرجال بدورهم عقب شايب

فنجال اشقر يقعد الراس وان حـن ** قلب عليه مـن الليالـي غلايـب

في مجلس مافيـه نفـس تواطـن ** قـول النميمـه والنميمـه ذهايـب

واذكر لنـا منهـو فعولـه يعـدن ** سوا لنـا بالمجـد علـم وسبايـب

يوم انه بسيف ورمح ( ن ) مسنن ** شبرم قوي الباس عطب الضرايب

لاثار عج الخيل والخيـل صفـن ** صفت رموش المترفات الحبايـب

يسوق روحـه دون ربعـه ولكـن ** سـوق الريـاح العاتيـه للهبايـب

صاح المصيح اكثر الخيل غـارن ** يقودهن شبرم حصـان الطلايـب

زيزوم حرب وبالحرايب تقل جـن ** والمـا بـدم الييعـاديـه رايــب

عيبه اليا عيبـن انفوسـن وعيبـن ** سمن يصب فوق حيـل صبايـب

عيبه اليا عيبـن انفوسـن وعيبـن ** سيفه على العدوان جر المصايـب

وعقبه خلاوي من المراجل تمكـن ** ليث ولـد ليـث يفـك النشايـب

لا كثرة القالات ما يخلـف الضـن ** يشـدي لنـار تسطليبـه لهـايـب

وردن عطاشى وصدرن حين روين ** حدب السيوف الي بها السم ذايـب

من قابلـه يلعـن نهـاره ويلعـن ** حضن رمابه بين خيـل وركايـب

ومحمد ضـون نجومـه وشعـّن ** نجمة تعلى فوق بيـض السحايـب

ريف الضعيف الـي لياليـه خلـن ** حاله نحيل ودمـع عينـه سكايـب

يعطي ولا يتبـع عطايـاه بالمـن ** يعطي ولا يرجي سوى الله ثايـب

من عقبهم منوه علومـه شهرهـن ** علمه شهر لعـداه قبـل القرايـب

اخوان هو والمجـد مجـده تكـون ** اما وصلـه طيـب ول غصايـب

نوخ ركاب الطيب عنـده وناخـن ** ركاب العقل يومه صغيرن وشايب

وحيلن يقلطهـن ينـدي شحمهـن ** ليث شجـاع حـر ماقيـل هايـب

اكرم من غيوم يصبـن مطرهـن ** واشجع من الضرغام وقت الحرايب

هذاك بنـدر والعـذاري يعجـزن ** مثله يجيبـن ماشطـات الذوايـب

والطيب له خيل ونايـف عسفهـن ** بيدين نايف كل اوبهـن قضايـب

شيـخ مواكيـر الشكالـه رقاهـن ** ما للردي يمـه طريـق وسبايـب

كم من سجين اطلعه عقب مااسجن ** وادعى هله ضحاك عقب النحايـب

هو عزوة نفوسن من الوقت قاسن ** مثل الجبل يرسي بوجـه النوايـب

نايف وله عـادات مثلـه ينوفـن ** حر ينـوف بنايفـات الهضايـب

مـن الكـرم تلقـى يدينـه ينـدن ** ابـو شناتـي والفعايـل رهايـب

يشدي غوم(ن) رودمن ثـم صبـن ** خير على خيـر عزيـز الخبايـب

(واخوان صبحه)والركايب يحنـن ** اهل المغـازي والعلـوم العذايـب

اهل الكرم والطيب ربعي وانا مـن ** (اخوان صبحه)لابتـي والقرايـب **

الي لهم بالحـرب علـم معنـوون ** اهل السيوف الي تقص الصلايـب

(طماح )ربعي بالملاقى لهـم فـن ** (لالولشن)البيض حمـر العصايـب

شالو سيوف وحدرهم خيل شالـن ** اكرام انفوس اطياب وارثةاطيـاب

من قاصر (الطماح)لخيـر عيـن ** ومن ضدهم تكثر بـداره خريـب

بفعالهم شبعـن جـوارح وشبعـن ** ذيابـه بالليـل جـرت قنـايـب

وصلاة ربي عـد ماالمـزن هلـن ** واعـداد ماعيـن تهلـه سكايـب

على الذي للحـق وضـح وبيـن ** على النبي الي بكـوه الصحايـب






بني خالد

حنا بني خالد كسابة الطيب = تشهد لنا العدوان قبل القرابه
حنا هل الميقاف وقت المواجيب = تاريخنا من عصر دور الصحابه

حنا هل التقدير بين الاجانيب = عند العرب نحضى بقدر ومهابه

حنا ليا هلت دموع الرعابيب = نقدم على الموت الحمر ما نهابه

حنا ليا صارت حقوق ومطاليب = نأخذ ولا نؤخذ نهار الطلابه

حنا ليا عكر لصافي المشاريب = نطفى ضماالعطشان مثل السحابه

حنا ليا هبت سموم اللواهيب = ربيعنا يا بخت منهو حضابه

حنا ليا من كشر أنيابه الذيب = ما نحسب حساب لقنيب الذيابه

حنا حماة الخيل والفطر الشيب = يوم الليال الماضيه ينغزابه

حناالدواء لجروح عطب المضاريب = لا طاح بالميدان ينزف صوابه

حنا مقر الرأي عكف الاشانيب = صغيرنا فالرأي يحسب حسابه

حنا ليا صاح المنادي له انجيب = يفرح ليا سمع المنادي جوابه

حنا منازلنا بعال المراقيب = أمن الحساء لحدود تدمر وطابه

حنا لضيف الجار عز ومعازيب = انجود بالماجود حزت غيابه

حنا سيوف الحق بين الاصاحيب = تزداد فينا بالشدايد صلابه

حنا وهبنا عالم السر والغيب = شجاعةٍ ما هي مع كل لابه

والنعم فى كل القبائل عن العيب = افعالهم بالمجد حافل كتابه

اقولها من دون شكه ولا ريب = شاعر وامجد لابتي بالنيابه




بني رشيد :

ادخل على الله واسلم الامر تســليم...... واستغفرة واستذكرة واستميحة
وضح النوايا والمساري مــجاهيم ......... والحلم غالي واليالي شحيحة

سادت مفاهيم وبادت مــــفاهيم ........ ويح الزمن يابنت الاجواد ويحة

خلي علوم أمسيسن المــــرازيم ....... واخذي علوم مصمصمين القريحة

حنا طنايا عبس يامــــذير الريم ......... حــنا مقابيس الوغى يامليحة

حنا سلايل قاسم الخيــــل ودليم ......... وزعتنا يوم الــمكايد رجيحة

بدو حفايا مانصفتنا المـــــقاسيم ......... وبصدورنا عز تطـارخ فحيحة

نرعى رفيق البرق في ســاقة الغيم .......... ومن يستبيح حـدودنا مانبيحة

ولاياترع في هرجتة دفـــش وبهيم ........ خطو الهبود اللي تكابر فطيحة

عن ساقط الهرجة نطق المـــلاطيم .........ومن طاح فيها مارحمنا مطيحة

نكبر عن الطفسة ونـجزع من الضيم ....... ونموت ما ناطا شليل الفضيحة

نزوم زومات الرجال المـحـــاشيم ......... ونـهد هدات النمور الجريحة

ربع على در المنايا مــــــفاطيم ........ من هازنا زاغت عجوزة تصيحة

اليا تغشلينا عــــــسير الشغاميم ........ لومك على اللي مايبرهن مديحة

وان لولشن مــــحشمات الملاثيم ....... والموت حثرب بالحناجر ضبيحة

جينا من اقصانا ســــحايب مراديم ........ كل يذكي حروتة عن نطيحة

يازين دح قفوشــــــنا لة ترانيم ........ والعج واقف والفعايل صريحة

كان المنايا سوقها مابعـــــد سيم ........ والخوف برك بالقلوب الكسيحة

حنا زباينها على المــــــلازيم ......... علما يقرية النصيح لنصيحة

واللي بنى بيتة نبيـــــة ابراهيم ......... انا طريق المستميت لضريحة

بني رشيد ان عتم الـجو الجو تعتيم........ ماللردى فينا ملامح وليحة

أجسر من الرعاد واكـرم من الديم ...... سمر الجباة اهل الوجية الفليحة

خوينا نقرية عزة وتـــــحشيم......... دخيلنا دونة عن الموت صيحة

يابنت مـــاحنا فقارا مـــعاديم.......... لوماسكنّا القصور الفسيحة

تجار لوحاشت يدينا مـــــلاليم.......... ومن الغناة قلوبنا مستريحة

مانستضيق ليالفونا معـــــازيم........ لضيف لونذبح حدينا ذبيحة

دايم ايدينا للعطايا مــــــواليم........ لي خانت الفزعة وجية كليحة

طال القريض ومقبل الـود ومقيم.......... والبال عـيا طارقة لايريحة

اقولها وابصم على القول تبـصيم.........والعلم بين زايفة من صحيحة

ماهو قصور بالحرار الصماصيم.......... كل بدرب العز قد هب ريحة

مدحي لربعي مــايذم الاكاريم ........... ولايستشك الا خبيث الشريحة

والحق واضح لرجـال المفاهيم ........ والحقد يخرث بالنفوس القبيحة







بني تميم


سلام الله سلام الله على ربعـي هـل الطـولات = تميم المجد أب وجـد مـن آدم إلـى الساعـه
هل العزة؛هل الشيمة؛هل الفزعة؛هـل النخـوات = هل السيف الذي له روس كل القـوم خضاعـه

هل الهقوات بالهـدات؛ والصمـلات باللقـوات = بيومٍ به تشيب الـروس والشجعـان مرتاعـه

هل الطيبة ؛ هل الهيبة ؛هل الكرمات؛ والجزلات = وعلم الطيب عنهم منتشر مـن بيـن سِمِّاعـه

كرام الناس وقت الشرك للإسـلام خيـر دعـاة = شف سيرهم بكتـب الديـن والتاريـخ لماعـه

وهم ذروة سنام المجد ؛ بحاضرنا ؛ ووقتٍ فات = وهم شمسٍ على الدنيا تنير وياضـي إشعاعـه

وأخص إِبْها أهل حوطة تميم ؛ أخصهم بالـذات = وراني ما أفتخر وأفخر بنـاسٍ هـذي أطباعـه

أبا أمدحهم ؛ وأنا بمدحي : معي قاطع دليل إثبات = على إن نفوسهم للطيـب والطـولات طماعـه

وعلى إن الدين منهجهم وهم للدين خيـر هـداة=لغيـر الديـن والإسـلام مايمشـون بالطاعـه

ألا يالله تعز الحـي وتعطـر ثـرى مـن مـات=وتجعل جنة الفردوس عقـب المـوت جماعـه

وسلام الله على ربعي تميمٍ هـم هـل الطـولات=يفاخر فيهـم التاريـخ مـن آدم إلـى الساعـه








قبيلة الــبقــــوم

ياناشـدن عنـا تـرانـا البقـومـي =اهـل الجمايـل طيبيـن السلـومـي
اعلامنا مـن فـوق الاعـلام تومـي =في الوقت هـذا والسنيـن القديمـات

فينا الوفا والطيب والمجـد مذكـور =من جدنا الاول الى نفخـة الصـور

يكتب لنا التاريخ بحروف مـن نـور = عبر دواويـن العـرب والسجـلات

مـن الخليـج لجـده الـدار حايـل = ومن الطوال الى طـوارف محايـل

متميزينـاً عـن جمـيـع القبـايـل = باشيا لهـا تاريـخ موكـود وثبـات

حنـا لعشـاق البطولـه مدارس = لا عدوا الفرسـان فعـل الفـوارس

خيالنـا يـعـدل ثمانـيـن فــارس = قاله حكيمـن وأكـد العلـم بابيـات

قصيدته فينـا لهـا اسنيـن وسنيـن = معروفـةٍ عنـد القبايـل لا ذلحيـن

عند الرواه وفـي بطـون الدواويـن = ما مات قول الصدق لو قايلـه مـات

والثانيـه بنـت الشيـوخ حـددانـا = تهـدي بحبتهـا علـى مـن نصانـا

اللي يقابـل فـي المعـارك حدانـا = لا غطرفن بيـض البنـات العفيفـات

ودخيلنـا يمشـي بكـل الجـزيـرة = لا مـل مـن ديـرة توجـه لديـرة

ماواحـداً يقـدر يعـارض مسيـره = لوكان لاخصامـه سيـوفٍ وريعـات

وبيوتنـا ماحـداً يـذيـر ضعنـهـا = وديارنا ماحـداً كسـب شبـر منهـا

مشطرينـاً كــل طـمـاع عنـهـا = بسوف هنداً في المـلا قـا رهيفـات

ياكـم وكـم وكـم ويـا كـم وياكـم = طمعوا بنا قـومٍ مـا يلحقهـم الـذم

وجونـا وقمنـا نلحـق الـدم بالـدم = وعادوا بخيبات الرجـاء والتشمـات

محـدديـن ديـارنـا بالجـمـاجـم = جماجم الا بطـال مـن كـل هاجـم

تشهد بما قلـت العـرب والاعاجـم = وحدود داراً فـي ذرانـا حصينـات

رجالنـا حـط الرجولـه شـعـاره = ولوكان مات بجـوع ماخـان جـاره

قصيرنـا معنـا يـلاقـي وقــاره = نذريه فـي ظـل البيـوت الذريـات

فينـا الشجاعـه والوفـا والامـانـه = ولا نخـون ولا نـحـب الخيـانـه

ولا نقبـل العيشـه بـذل ومهـانـه = في صدورنا نحمل نفوسٍ عزيـزات

والضيف لاجانا لقـى البـن والهيـل = وحلو النبا مع شمخ القـود والحيـل

والعود الازرق في مجالس حلا حيل = وسوالفٍ تشـف الكبـود العليـلات

هذا وانا اصلي من صعاب المراسـي = ابنا كليب اهـل الفخـر والحماسـي

فـرعٍ تفـرع والبقـوم الاسـاسـي = هذا كـلام الصـدق ماهـو دعايـات

انا ولد مـن تعـرف النـاس طيبـه = ابن غفـالان اللـي فعولـه عجيبـه

مهـل ذرا ربعـه ولا طـم حريبـه = كساب كلمة نعم فـي كـل الاوقـات

اللي بمخلابـه كسـر بـاب شبـرا = يـوم انقفـل دون الجميـع وتعبـرا

في معركه فـي وقتهـا تعـد كبـرا = بين الشريف وجيش الاخوان بالـذات

يو التجوا في القصر وانصـك بابـه = والصفر جالـه فالصـدور انحطابـه

جاهـم تقـول مسـيـراً للقـرابـه = ما خاف من صكات الايـام صكـات

يـوم القذايـف مـن سماهـا تواقـع = والماس الاحمر في سمـاه ايتصاقـع

سقم الحريب اخو هـوا مـا تراجـع = حتى فتـح علـى معاديـه ثغـرات

وجدي عتيق اللي يصـوغ القوافـي = وان كلحت خلف الركـاب الاشافـي

يروي من العـدوان روس الشلافـي = يـوم اليمانـي بالفعايـل طليـقـات

وربعي بني مريح سلايـل كحيـلان = اهل القنا والسيف والرمـح والـزان

وان جا نهاراً فيـه للصفـر دنـدان = لطامـة وجيـه المعاديـن ريحـات

قيفٍ مـا مثلـه فالقبايـل ولا قيـف = حمايـة الميقـاف يـوم المواقـيـف

وان لجلجن بيض العذارا الغطاريـف = لهم على جمـع المعاديـن سطـوات

رجالهم لاقال فـي الموقـف الحـار = ( سقم الحريب مروحي) والدخن ثار

تقـول معـه المـوت لعـداه زوار = ويوجهـه لنفوسـهـم بـالاشـارات

ومنا البضاعات النشاما هـل الطيـب = اهـل الجمايـل مكمليـن المواجيـب

في طيبهم ما يلحق الشـك والريـب = النعم والله فـي رجـال البضاعـات

ومنا رجالاً فـي المواجيـب يوفـون = جعاثنـه يـوم اللقـاء مـا يهابـون

كـلٍ يقـول النعـم بـالاد جعثـون = لاجا نهاراً فيـه صولـه وجـولات

وايضـا الدمانيـن ونعـم بالدمانيـن = لطامـة العايـل صعـوط المجانيـن

اللي على القاسيـن بالفعـل قاسيـن = في طيبهم مـا لحقنـا يـوم شكـات

والاد قرمـود النشامـا هـل الجـود = اللي لهـم بالطيـب تاريـخ مشهـود

سيفٍ على روس المعاديـن مجـرود = ولهم على لطـم المعاديـن عـادات

وايضا الجحيشات الحلاحيل الابطـال = اللي لهم فـي قمـة المجـد منـزال

منهم عذاب عـداه لطـام مـن عـال =امثيب اخـو نفـلا زبـون الونيـات

ومنـا العبـارا والنـعـم بالعـبـارا = لاجا نهـاراً فيـه صـوت المثـارا

مايعرفـون المسكـنـه والـمـدارا = في ساعـةٍ فيهـا كثيـر الغيـارات

ومنا الرماضيـن ونعـم بالرماضيـن = قومٍ على الامجاد والطيـب ظاريـن

ميزانهـم يرجـح بكـل المـوازيـن = لاعنكب الداخـن ولجـن الاصـوات

ومنا السواهر عـزوةٍ باسهـم بـاس = قومٍ لهم في قمـة المجـد مجـلاس

حريبهم في ساحـة الحـرب ينـداس = وصحيبهم يلقى السعـد والكرامات

ومنا الفضول اللي على الموت يردون = لاجا نهـاراً فيـه طاعـن ومطعـون

دقلاتهـم منهـا الرضاعـا يشيبـون = لاثار عـج المسرجـات المغيـرات

ذولا عيـال اكليـب عديتهـم عــد = اللي فخرهـم عبـر الاجيـال يمتـد

لو شدت اجبـال السـراوات ماشـد = وامجادهم تعـرف ولا هـي خفيـات

وباق البقوم اذكر فخرهم ولا انسـاه = اهل الكرم والمجد والجـود والجـاه

واهل السيوف اللي على الدم مسقـاه = واهـل الحميـا والوجيـه النقيـات

افروع قـومٍ عاشـوا بعـز واكـرام = من قبل الاسلام وبعد ديـن الاسـلام

ولا فيه فرع الا ولـه عـدة اقسـام = لكن ما بغى ادخل ببعـض المتاهـات

اخاف لـو اذكـر بعظهـم بتفصيـل = وانسى بعظهم صار للقصـد تاويـل

واصير عرضة راعي القال والقيـل = اللي على العالـم يحـب التصنـات

لكـن بـاعـد الـفـروع الاوايــل = مـادام انـا عنـدي عليهـم دلايـل

واترك خوامسهـم واكـب الفصايـل = للي معـه عنهـم دواليـل اكيـدات

من البقوم اذكـر رجـال ارحمانـي = لطامـة العايـل عـراب المجـانـي

اهـل البنـادق والقنـا والسنـانـي = واهل الشجاعه والفخـر والحميـات

وايضا القروف اللي تضد الضديـدي = رجالهم لاقـال انـا ابـن الحميـدي

ثم سل سيـفٍ فـي يمينـه حديـدي = يطرح عشاء سحم السباع المجيعـات

وايضا دغافلـةٍ يضـدون الاخصـام = رجالهـم سطـام للخـصـم لـطـام

يركض على جمـع المعاديـن قـدام = لاجردوا حدب السيـوف الصقيـلات

ومنـا الجنبـه مخضبيـن الجنابـي = سقـم المعـادي لاهبـا كـل هابـي

سيـفٍ تنومـس سلتـه والنصابـي = في وقتنـا هـذا وفـي فايـتٍ فـات

وايضا البدارا اهل الكرم والشجاعـه = في الحرب يسقون العدا سـم ساعـه

فيهم علـى لطـم المعـادي براعـه = واهل الحميا واهل نخـوه وفزعـات

والموركـه منا بلاشـك وجـدال = سقم العدى يوم البـلاوي والاهـوال

كم دم فارس قـوم بسيوفهـم سـال = وربعه على فقـده تسـوي مناحـات

والاد داهــم محتمـيـن الدبيـلـه = اهل السيوف الصارمـات الصقيلـه

واهل الخيول المسرجـات الاصيلـه = اللي لهـا علـى المعاديـن غـارات

وايضا رجالاً فـي نهـار الحرايـب = علـى معاديهـم عـذاب وعقـايـب

كـرزان مافيهـم رديــاً وخـايـب = ولا مثلهم يركب على الخيل بالـذات

واذكر مخضبـة القنـا الاد سامـي = سميـان لاثـار الدخـن والعسامـي

يردون حوض الموت ورد الضوامي = ويخضبون مـن العـدا السمهريـات

ومنا المرازيق ان زمى الحيف للحيف = فرسانهـم مـا يعرفـون المحاريـف

يسقون من دم العدا شـذرة السيـف = هـذا كـلام الصـدق مافيـه زلات

واذكر هذيل ولو هرجنا عـن اهذيـل = نقـول نعـم ولا عليهـم مداخـيـل

وقفاتهـم تشـف القلـوب المغاليـل = وعدوهـم مالـه نجـاة وسـلامـات

امدح بني عمـي ((ظهـور السوانـي)) = اللي بفعـل الطيـب تطلـق لسانـي

يشهد لهم بالطيـب قاصـي ودانـي =ماهوب قول اهل الحسد والظـلالات

والنعم فـي كـل القبايـل مشاكيـل =قبايـلٍ يوفـون بالـوزن والكـيـل

ما يقبلون الظلـم والضيـم والميـل = وسط الجزيرة كال الجبال المنيفـات

في ما مضاء كـلٍ وقـف دون حـده = ماحـداً تهـاون دون ميـراث جـده

واليـوم كـلٍ يلتبـس ثـوب قــده = زال الجهل من روسنا والحـزازات

ما عاد يوجد في الجزيـرة سلاطيـن = الا الملـوك العادلـيـن الميامـيـن

اللي سعوا فينـا بالانصـاف والديـن =وصرنا خوان نعيش عـز ومسـرات

وختامها صلوا على صفـوة النـاس =عد البشـر وعـداد ماهـب نسنـاس

وعداد ماحبراً كتب فـوق قرطـاس =على رسـول الله سـلام وصلـوات







قبائل قحطان




إن سلتني يا لجنبي مـن التجاريـب = فحاشد هل البنـدق ويـام الحلامـي
وسنحان مثل الصقر رؤس المراقيب = من خوفهم نهيب على السطح بـادي

وشريف يوم الضيق تروي المضاريب = إلى حامه الهيجـى ولهدلـق الذيـب

وعبيده اللي مثـل طـور الغمامـي = كمن صبي قـد فتقنـا بـه الريـق

وبني بشـر اللـي فرطهـم تمامـي = عند الغضب ماتصلـح الا بتنصيـب

ورفيده اللي مثـل غالـي الوسامـي = تشيل الحمول في جنوبهـا مشاذيـب

وشهران تطمر لي قد الزرق حامـي = ما ترجـع إلا بالدمـي المخاضيـب

وعسير من قحطان بحـر الظلامـي = أهل الكرم والجود وأهـل التراحيـب

لـرد بـه عنـد البنـادر خيـامـي = فعرب تسؤم أدميهـا فـي المجاليـب

فن سلتني يـا لجنبـي مـن كلامـي = ماجاك مني فـي نشيـدي تجاريـب

تسعه شهـور فـي بـلاد التهامـي = وتسعه شهور في بـلاد المناصيـب

باقي العرب من غرب تيـه وشامـي = مثل الغنم لدرعـه فـي المضاريب

شهريـن لـو انـه دانيهـا الهيامـي = شي عشى صقر وشي عشـى ذيـب

شف ذا سلامي عـد ركـع الأمامـي = واعداد ما خط القلـم فـي المكاتيـب

[المتنبي2]

[align=center]قصائد جميلة جدا في مبناها و يظهر بها الفخر و هو ضرب

من أضــرب الشعر المشهورة .

لكن الحمد لله تعالى نحن اليوم في ظل دولة هيأت لنا كل ما نريد

تحت شرع الله ، فأعتقد أن التفاخر بالنسب بدعة جاهلية عفى عليها

الزمـــــن و الأولى تركها .


شكرا ألف أخي العزيز بن حميد و ما قصـــــــــرت ،،،


تحية [/align]

[نصراوى أكيد]

تسجيل حضووووري ولي عوده

[نـ صـ ر999]

[align=center]ثم الـدواسـر تـجعل الخصم منهـار = عيال زايـد عــز منهم سنيده[/align]

ونعم في كل القبايل ..
قصيده رائعه ..
صح لسان قايلها ..
وشكراً لناقلها ..